CHAPTER 120

NALIE ATHALIA...

Kumain sila at masaya ang lahat sa kanilang family day ngunit s'ya ay binabagabag ng sinabi kanina sa kan'ya ni Black Lily.

Matapos n'yang makausap ang babae at dumating si Adrian para sunduin s'ya sa banyo ay hindi n'ya na nakita pa ulit ang babae. Nakaabang s'ya sa paglabas nito sa banyo ngunit hindi n'yang ito nakita na lumabas.

Hindi n'ya ito kilala at nakita n'ya lang ito noong inoperahan si Khairo dahil isa ito sa mga doctor ni Khairo. Ngunit may pakiramdam na s'ya noon pa man na malapit sa kan'yang puso ang babae. Magaan ang kan'yang loob dito at nararamdaman n'ya ang kanilang koneksyon.

Ngunit kahit anong gawin n'yang pag-iisip ay hindi n'ya matatandaan ang babae. Hindi n'ya maalala kung saan n'ya ito nakita maliban sa hospital at naisip n'ya rin kung nagkataon na ba na naging magkasama sila noon.

Bakit sa uri ng pananalita ng babae ay parang kilalang-kilala na s'ya nito. Hindi n'ya maintindihan ang mga pinagsasabi nito sa kan'ya ngunit may isang bagay na sina