CHAPTER 126

NALIE ATHALIA ...

Mas lalo n'ya pang binilisan ang kan'yang pagtakbo ng marinig ang sunod-sunod na putok na baril mula sa kan'yang likod.

Hindi alintana ang sakit at sugat sa kan'yang mga paa dahil sa mga sanga ng mga kahoy na natatapakan n'ya.

Kailangan n'yang makalayo sa mga kamay ni Lincoln at makabalik sa kan'yang pamilya.

Hindi n'ya na nilingon pa ang nasa likod. Basta ang alam n'ya lang ay mabilis s'yang tumatakbo ngayon para makalayo sa humabahabol sa kan'ya.

"Hulihin n'yo! Ayon!" ang malakas na boses ni Lincoln na sinundan ng sunod-sunod na putok ng baril.

Napahiyaw s'ya ng tamaan ang puno na nasa kan'yang tabi ngunit hindi s'ya tumigil sa pagtakbo.

Mas lalo n'ya pa itong binilisan at hindi n'ya na alam kung saan s'ya dinala ng kan'yang mga paa. Ang nasa isip n'ya lang ng mga oras na iyon ay ang makatakas sa mga kamay ng dating asawa na humahabol sa kan'ya.

Naisip n'ya si Adrian. Sumilay ang isang mapait na ngiti sa kan'yang labi ng maalala ang kasintahan. Kung totoo man ang s