CHAPTER 134

NALIE ATHALIA...

"T-Tay!" nauutal na tawag n'ya sa matanda na nasa kan'yang harapan at minamaltrato ng mga kalalakihan.

Parang bumalik sa kan'ya ang lahat ng galit noon sa nangyari sa kan'yang mga magulang. Nanikip ang kan'yang dibdib habang nakatingin sa kan'yang ama na sinasaktan ng ibang tao.

Hindi n'ya maiiwasan ang bumalik sa mahinang Nalie kapag ang mga magulang n'ya ang pinag-uusapan. Ngunit dahil isa na s'yang matapang at malakas na uri ng babae ay ang pananakit sa kan'yang mga mahal sa buhay ang s'ya ring nagpasidhi ng kan'yang galit.

Oo nga at itinago sa kan'ya ng mga kinalakhang magulang ang tungkol sa kan'yang totoong pagkatao ngunit minahal s'ya ng mga ito, inaruga, pinalaki ng maayos kahit mahirap ang sitwasyon at ang pinakamahalaga sa lahat ay itinuring s'ya ng dalawang matanda na mas higit pa sa tunay na anak.

Hindi n'ya naramdaman mula sa mga ito na hindi s'ya tunay na anak ng kan'yang nanay Narsing at tatay Alonso. Naghirap din ang mga ito ng dahil sa kan'ya ay ginaw