CHAPTER 125

NALIE ATHALIA...

"Punyeta kang babae ka, hindi ko alam na marunong ka palang lumaban? Bakit ang sabi ng kapatid ko ay isa kang lampa?" nangangalaiti sa galit na sabi ni Dr. Ocampo sa kan'ya.

Kahit s'ya ay nagulat din sa bilis ng kan'yang kilos at mas lalo s'yang nagulat dahil ngayon n'ya lang napag-alaman na marunong pala s'yang sumipa.

Nakita n'yang papalapit sa kan'ya si Dr. Ocampo kaya naman ay inihanda n'ya ang kan'yang sarili. Hindi n'ya alam pero parang bigla na lamang s'ya nagkaroon ng lakas at tapang para protektahan ang kan'yang sarili.

"Akala mo ba hindi kita papatulan na babae ka! Halika nga dito at babaliin ko ang mga buto mo," gigil na sabi ni Dr. Ocampo sabay hablot sa kan'ya ngunit bago pa s'ya nito mahawakan ay mabilis na s'yang umiwas at umikot sa gilid nito at binigyan ito ng malakas na suntok sa leeg.

Bumagsak ito sa lupa habang umuubo. Nakita n'ya kung paano maglabasan ang mga ugat ng lalaki sa leeg.

Pinakiramdaman n'ya ang kan'yang sarili at nararamdaman n'ya na p