CHAPTER 123

NALIE ATHALIA...

"Sino kayo? At ano ang kailangan n'yo sa akin?" kinakabahan na tanong n'ya sa dalawang lalaki ngunit hindi n'ya ipinakita sa mga ito na natatakot s'ya.

"Magmaneho ka kung ayaw mong pasabugin namin ang ulo mo!" singhal ng isang lalaki na nasa kan'yang likuran.

Nakatutok sa kan'ya ang dulo ng baril nito kaya hindi s'ya pwedeng magkamali sa kan'yang mga galaw. Ayaw n'ya pang mamatay dahil gusto n'ya pang makasama ang kan'yang anak at si Adrian.

"K-Kung pera ang kailangan n'yo ay bibigyan ko kayo," nauutal na sabi n'ya sa mga lalaki ngunit tinawanan lamang s'ya ng mga ito.

"Pera? Bayad na kami Ms. at malaki ang ibinayad sa amin kaya kung ako sayo ay magsisimula na akong magmaneho bago pa ako maubosan ng pasensya sayo at baka dito mismo sa loob ng sasakyan mo ay mabaril kita," singhal ng lalaki sa kan'ya na nasa kan'yang likuran.

Kahit nanginginig ang mga kamay ay ginawa n'ya pa rin ang lahat para mamaniubra ang kan'yang sasakyan.

Dahan-dahan s'yang nagmaneho palabas ng ca