CHAPTER 15

ZENNARA

Naiinis akong bumalik sa office ko. Umupo ako sa upuan ko at napahawak ako sa leeg ko na ngayon ay masakit. Hindi ko inaasahan na kaya niyang manakit ng babae. Kinuha ko ang pocket mirror ko at tiningnan ko ang leeg ko.

Namumula ito ngayon. Huminga na lang ako ng malalim bago ko inayos ang damit ko para medyo takpan ito. Wala rin kasi akong dalang scarf na puwede ko sana i-takip sa mga marka na ito. Nagsimula na lang akong magtrabaho. Habang nagtatrabaho ako ay pakiramdam ko ay may nakatingin sa akin.

Nang tumingin ako sa labas ay nakita ko na dumaan si Timothy. Nakita ko rin na dumating pala ang asawa niya. Nakikita ko na mahal niya ito at hindi na ako magtataka kung bakit kaya niya akong saktan para lang sa babaeng ito.

May kung anong lungkot akong naramdaman para sa dati kong sarili. Umasa ako noon na mabuting tao ang pinakasalan ko kahit pa hindi kami nagkikita o magkasama dahil hindi naman siya nagkulang pagdating sa mga pangangailangan ko.

Ngayon ko naisip na hindi pa