CHAPTER 16

ZENNARA

“Zennara, magsalita ka. Sino ang may gawa niyan?” seryoso na tanong sa akin ni Mrs. Miller.

“Ma’am, allergy lang po.” Pagsisinungaling ko sa kanya dahil wala akong balak na ilaglag ang bwisit na lalaki sa tabi ko.

“Allergy? Mukha bang allergy ‘yan. Sabihin mo sa akin, sino ang may gawa niyan sa ‘yo?”

“Ma’am, relax lang po. Allergy lang po talaga ito at kinamot ko lang kaya po namula.”

“Siguraduhin mo lang,” sabi niya sa akin at umupo na siya.

“Opo, allergy lang po ito.” Medyo nilambingan ko na ang boses ko para naman hindi na siya mainis sa akin.

Nagkatinginan naman kaming dalawa ni Timothy bago kami umupo. Lumapit ang waiter at nag-order kami ng food.

“Ang konti naman yata ng pagkain mo? Ayaw mo ba sa food?” Tanong sa akin ni Mrs. Miller.

“Gusto ko po at masarap po ang pagkain kaya lang po busog pa ako. Kakatapos lang po kasi ng break time ko ay hulaan niyo po kung sino ang kasama ko?”

“Sino?”

“Si Jetro po. Nakauwi na siya,” nakangiti na sagot ko sa kanya.

“Really?