CHAPTER 1

BLAYRE JOAQUIM...

"What? No! I'm not gonna marry her nay! Over my dead and sexy body, nay... I'm not going to marry her," malakas na sagot n'ya sa kan'yang ina na sinamahan pa ng biro sa pag-aakala na madala n'ya sa pa charm-charm n'ya ang mga magulang. Nasa library silang magkapamilya kasama na ang babaeng pinipilit ng mga ito na ipakasal sa kan'ya.

Walang iba kundi ang kanilang magaling na katulong na ipinipilit na buntis ito at s'ya ang ama.

"You are going to marry her, whether you like it or not, Tres. Gago ka ba? Ibinaon mo yang espada mo sa mani n'ya tapos ngayon aayaw-ayaw ka na pakasalan s'ya? Gusto mo bang maging bastardo ang anak mo? Hindi kita pinalaki na maging isang walang kwentang ama sa anak mo!" galit na singhal ng nanay Trina n'ya sa kan'ya. Namumula na ito sa galit at alam n'ya na hindi ito nagbibiro sa mga pinagsasabi sa kan'ya lalo na ang pagpapakasal n'ya sa kanilang katulong.

Kung may kinatatakutan man sa bahay nila, iyon ay ang kan'yang nanay Trina dahil paniguradong isang katakot-takot na parusa ang aabutin nilang apat na magkakapatid kapag may ginawa silang kalokohan.

"No! Kahit anong gawin n'yo sa akin nay ay hinding-hindi ako magpapakasal sa babaeng yan!" matigas na sagot n'ya sa kan'yang ina sabay duro sa kanilang katulong na nasa isang sulok at tahimik lang na nakikinig sa pagsasabon sa kan'ya ng mga magulang dahil sa kagagawan nito.

"Blayre Joaquim El Frio!" dumadagundong boses na sigaw ng tatay n'ya sa kan'yang pangalan. Alam n'yang kapag ito ang nagsalita ay walang makakalusot dito. Kung nakakatakot ang nanay nila ay mas lalo na ang kanilang tatay kapag nagseryoso ito dahil lahat ng lumalabas sa bibig nito ay pinakatotohanan ng ama sa kahit na anong paraan.

"Nay, tay, isang pagkakamali lang yong nangyari sa amin! Lasing ako at hindi ko nga alam na may nangyari sa amin! Malay ko ba kung sa akin talaga yang ipinagbu—," hindi n'ya na natapos ang gusto n'yang sabihin dahil lumagapak na sa kan'yang pisngi ang isang malakas na sampal mula sa ina. Nagulat s'ya sa nangyari at hindi agad nakahuma.

Ito ang kauna-unahang pagkakataon na pinagbuhatan s'ya ng kamay ng kan'yang nanay. Simula pagkabata ay wala s'yang naalala na sinaktan sila nito physically kahit gaano pa sila kapasaway.

"Hindi kita pinalaki para maging bastos at walang modo, Blayre Joaquim! Kung ayaw mong pakasalan si Preccy, fine! Lumayas ka sa pamamahay ko ngayon din at wala kang dadalhin na kahit isang bagay mula sa bahay ko. Wala ka ding makukuhang pera mula sa akin. Lahat ng mana mo ay ibibigay ko sa magiging anak mo na winalanghiya mo!" galit na singhal ng nanay n'ya sa kan'ya. Alam n'yang totohanin nito ang banta sa kan'ya at parang marka na yata sa kanilang pamilya ang ganitong pangyayari.

Ang tatay n'ya noon ay ganitong-ganito din ang nangyari ng palayasin ito ng kan'yang lola Amber dahil sa pangwawalanghiya nito sa kanilang nanay.

Nilingon n'ya ang babae na nakatungo lang sa isang sulok habang nakikinig sa kanila. Hindi ito nag-angat ng ulo at walang ibang ginawa kundi ang magyuko ng ulo at nagpapaawa ang hitsura. Umigting ang kan'yang mga panga habang nakatingin dito.

Sinira nito ang kan'yang buhay lalo na ang kan'yang kalayaan na magawa ang lahat ng gusto n'yang gawin. Kung hindi ito umiksena sa buhay n'ya, eh di sana ay malaya s'yang magawa ang kan'yang mga gusto ngayon ng hindi napapagalitan ng kan'yang mga magulang.

"Masaya ka na ba? Masaya ka na ba sa ginawa mo? Itong tandaan mo! Ikakasal man tayo pero sa papel lang iyon at sisiguraduhin ko na walang maibigay sayo n karapatan sa akin at sa yaman ko at sinisigurado ko sayo na gagawin kong impyerno ang buhay mo!" bulyaw n'ya sa babae at walang paalam na umalis.

Kahit tinatawag pa s'ya ng kan'yang mga magulang ngunit hindi s'ya nakinig sa mga ito at nagpatuloy lang sa pag-alis at deritso na lumabas ng bahay.

Bwesit na bwesit s'ya sa nangyari sa kan'ya ng araw na iyon. Ayaw n'yang magpatali sa kahit na sinong babae. Damn! He is still enjoying his life of being single, bakit ba s'ya papayag na makulong o matali sa isang buhay may asawa.

At isa pa, lasing s'ya ng may nangyari sa kanila ng kasambahay nila. Ni hindi n'ya nga alam na pumasok pala s'ya sa kwarto nito. And she suppose to stop him kung totoo mang pinasok n'ya ito sa kwarto dahil ito ang nasa matinong pag-iisip ng gabing iyon. Pero bakit hinayaan nito na makuha n'ya ang pagkababae nito at ang malala ay nabuntis pa daw ito at s'ya ang ama.

"Pera? Ito ba ang habol ng babaeng iyon sa akin? Pwes nagkakamali s'ya, dahil wala s'yang makukuha na kahit isang kusing mula sa akin," matigas na sabi n'ya habang minamaniubra ang sasakyan paalis ng bahay ng mga magulang.

Gusto n'yang lumayo sa mga ito lalo na sa babaeng iyon dahil baka hindi n'ya mapigilan ang kan'yang sarili at baka kung ano pa ang magawa n'ya dito.

Ngunit ang kan'yang pagmamatigas ay hindi rin umubra sa kan'yang mga magulang. Pagkalipas ng tatlong linggo ay idinaos ang kan'yang kasal sa babae. Para sa iba ay pinakamasayang araw ang kasal, ngunit para sa kan'ya ay ito ang araw na pinatay s'ya ng mga magulang.

Pinatay ng mga ito kasama ng babaeng iyon ang kan'yang kaligayahan at kalayaan. But— he is Tres El Frio. Hindi uubra sa kan'ya ang mga ganitong bagay. Kung gusto ng babae na mamuhay kasama ang isang demonyo na katulad n'ya.., pwes pagbibigyan n'ya ito.

Idinaos ang kanilang kasal at ang magaling n'yang ina ay talagang inanunsyo pa sa buong mundo na ikakasal na s'ya. Alam n'ya kung bakit ginawa ito ng kan'yang nanay.

Gusto nitong ipaalam sa mga babae n'ya na mag-aasawa na s'ya, kaya kailangan ng tumigil ng mga ito sa kakalapit at kakalandi sa kan'ya.

But he'll no! He can't live without a p*ssy in a night. Iyan na nga lang ang kaligayahan n'ya eh, kaya hindi s'ya papayag na mawala ito.

Pagkatapos ng kanilang kasal ay lumipat na agad sila sa kan'yang sariling bahay kasama ang babae na kinaiinisan n'ya sa lahat.

Lahat silang magkakapatid ay may sarili ng bahay na nasa mismong Cassandra Village lang din katulad ng mga magulang nila para sa preparasyon kapag nagsipag-asawa na sila.

Tanging si Ace na bunso sa kanilang apat lang ang wala pang bahay dahil ayon dito ay hindi naman daw ito mag-aasawa at hindi nito obligasyon ang pagawan ng bahay ang asawa nito just incase maisipan nitong mag settle down.