Chapter 45

Napahiga siya sa kama. Nanghihina siya. Puyat na puyat siya kagabi dahil hindi siya nakatulog at halos hindi rin siya nakakain ng maayos bago pa man sila magtalo ni Vince dahil wala siyang gana.

Hindi pa rin niya maawat ang kaniyang mata sa walang patid na pagluha lalo na at binabalak nitong idamay pati na ang anak niya.

Natatakot siya, natatakot siya para sa buhay ng anak niya. Kung sana ay siya lang wala siyang problema ngunit idinamay na ni Vince ang anak niya.

Hindi nito sinagot kanina ang tanong niya kung bakit nito iyon ginagawa. Kung ano ang naging kasalanan ni Axe Finn rito.

Nakaramdam siya ng pagkaantok ng mga oras na iyon at dala na rin siguro ng pagkahapo dahil sa sobrang stress ay nakatulog siya.

------

Nagising siya dahil sa kalam ng kaniyang sikmura. Pagmulat niya ng kaniyang mga mata ay ang silid na hindi pamilyar sa kaniya ang kinamulatan niya.

Akala niya ay isang masamang panaginip niya lamang ang lahat na kapag iminulat na niya ang kaniyang mga mata ay wala na siya s