Chapter 51

Alas sais na nga kanina nang makauwi sila sa bahay niya galing sa court.

Talaga namang masayang- masaya ang anak niya sa paglalaro ng basketball at dahil dito ay pinagbigyan niya itong maglaro pa kahit gusto na sana niyang iuwi ito.

Mabuti na lang din at marunong si Baxter maglaro ng basketball dahil ang buong akala niya ay cellphone lamang alam nitong laruin dahil hindi niya pa naman ito nakitang naglaro ng basketball at kanina niya lamang nakita na marunong naman pala ito.

Nakita niya ang saya sa mukha nito at alam niya kahit papano ay nawala sa isip nito ang pag- aalala sa ina nito.

Eksaktong katatapos lamang nilang kumain at nasa salas sila para magpababa ng kanilang kinain. Nanduon pa nga lang pala si Baxter at wala yata itong balak na umuwi dahil may mga dala pala itong mga damit. Sa katunayan nga nauna pa itong nakaligo sa kanila kanina bago silang kumain.

Nang tumunog ang cellphone ni Vin, kung saan siya ang umabot dahil busy ito sa pinapanuod. Nang makita ang pangalan na na