Chapter 57

Hapon na siguro nang magising si Jazz. Dahil sa panghihinang naramdaman niya nang magising siya ay mas pinili na lamang niya ang matulog pa upang kahit papano ay makabawi siya ng kaniyang lakas.

Nang magising nga siya ay medyo may lakas naman na siyang nararamdaman ngunit nanduon pa rin ang panghihina niya.

Kahit nanghihina ay ginawa niya ang lahat para makabango siya. Mabuti na lang din at hindi naiisipan ni Vince na itali ang mga kamay niya habang nakakulong siya doon dahil kapag nagkataon na nakatali pa ang mga kamay niya ay ubos na ubos na ang lakas niya panigurado.

Napatitig siya sa mga pagkaing nasa lamesa. Mga bagong lagay iyon dahil hindi naman iyon ang mga pagkaing naiwan niya kagabi.

Doon siya nakaramdam ng gutom habang nakatitig siya sa pagkaing nasa mangkok. Ngunit tila ba walang lakas ang kamay niya upang abutin iyon.

Kanina ay napaginipan niya ang kaniyang anak at nagkita na daw sila kung saan niyakap siya nito ng mahigpit. Paulit- ulit nitong sinasabi sa kaniya na na-