Chapter 99

Umiwas ng tingin si Aricella dahil sa sinabi ni Igneel, inaamin niyang nasaktan siya sa sinabi ni Igneel. Umasa siya na maalala na siya ni Igneel sa pamamagitan ng halik ngunit hindi pala. Natatawa siya sa kanyang isipan dahil ang tingin niya sa kanyang sarili ay nakakahiya siya.

"Ayos lang, makakaalala ka rin. Dahan-dahanin na muna natin at baka masaktan ka pa kapag nabigla ka sa mga malalaman mo," sabi ni Aricella na nakangiti.

Tumingin siya sa paligid ng bahay, ganoon din si Igneel. "Gusto mo bang libutin lahat bago ka umalis papuntang Amerika?" Mahinahong tanong ni Aricella.

Dahan-dahan namang tumango si Igneel habang nakatingin pa rin sa kanyang paligid. Inalis niya ang pagiging mailang sa pagitan nilang dalawa ni Aricella at ganoon din ang ginawa ni Aricella, para mawala ang pagkailang ay kailangan nilang ibalin ang iniisip sa iba.

"Kung pwede?" Mahinang tanong ni Igneel.

"Oo naman, bakit naman hindi? Tara, unahin natin ang mga kwarto," sabi ni Aricella at hinawakan ang kama