Chapter 103

Nakatingin pa rin si Aricella sa lalaking kaharap niya, tila hindi makagalaw sa kanyang kinatayuan na para bang may pumipigil sa kanya. "Dinalhan na kita ng breakfast," sabi ni Igneel at pumasok sa loob ng kwarto.

Nakatayo pa rin si Aricella sa pintuan at dahan-dahan siyang lumingon kay Igneel. Hindi niya alam ang kanyang sasabihin o gagawin dahil sa gulat. Nagtataka rin siya kung paano siya nakapunta sa kwarto ni Igneel 'Teka, kwarto niya ito?' tanong niya sa kanyang isipan at tinignan ang buong paligid.

Mas lalong nanlaki ang kanyang mga mata at umawang ang kanyang bibig nang mapagtanto na kwarto nga ni Igneel ito. Ito ang kwarto ni Igneel sa mismong bahay niya.

"Are you just going to stand there?" seryosong tanong ni Igneel kay Aricella.

Tumayo ng tuwid si Igneel, tinignan niya ng diretso si Aricella at inaantay niya na magsalita ito pero hindi pa rin dahil nakatingin lang si Aricella sa kanya na nakaawang ang bibig kaya siya na mismo ang lumapit kay Aricella at hinila papunta