Chapter 100

Kahit anong pilit ni Mang Lauro na ipabalik kay Karlo ang pera sa asawa ni Igneel, hindi pumayag si Karlo lalo na sinabi na ni Karlo sa mga tao sa Isla at napag botohan ng lahat ang kanyang ideya na magtayo ng Isla Resort. Wala ng magawa si Mang Lauro, ayos naman ang ideya ni Karlo ngunit hindi niya matanggap na ginamit nila ang pera na galing sa asawa ni Igneel na galing na rin kay Igneel.

"Babalik na ako bukas ng Manila, mukhang ayaw sumama ni Karlo pabalik," sabi ni Lienne.

Nakatingin sila ngayon kay Karlo na masayang kausap ang mga tao sa Isla at sinasabi lahat ng plano. "Kailangan niya pa ring mag-aral, hindi niya mapapangalagaan ang Isla kung hindi siya nakapag tapos," sabi naman ni Mang Lauro.

Sang-ayon si Lienne dahil tama rin naman. Pero nang lumapit si Karlo sa kanila, nakangiti lang siya at bumaling kay Lienne. "Aalis na ba tayo pabalik ng Manila?" tanong ni Karlo na kinagulat ni Lienne at Mang Lauro.

"S-sasama ka?" Nauutal na tanong ni Lienne.

"Oo naman, Ante. At saka, e