Chapter 23

Kinabukasan si Jonas na ang naging driver din ni Aricella at habang nasa likod na nakaupo si Aricella sa kotse naiilang siya kay Jonas. Hindi niya alam kung paano kausapin si Jonas dahil iniisip niya pa rin ang status ni Jonas na galing sa dating kaibigan ni Aricella na si Klarence.

"Ma'am nandito na po tayo, nag-text na rin po si Signore Igneel po na susunduin ka niya sa lobby." Nakangiting sabi ni Jonas pero agad din itong nawala nang makita ang mukha ni Aricella na nagtataka kaya agad ding tinakpan ni Jonas ang kanyang bibig nang mapagtanto niya ang kanyang sinabi.

"Ang ibig ko pong sabihin ay inaantay ka na po ni Sir Igneel sa lobby," bawi niya.

"Sige, salamat sa paghatid. Tatawagan na lang kita kung magpapasundo ako---"

"Ma'am, si Sir po raw ang tatawag sa akin kung susunduin kayo."

Dahil sa sinabi ni Jonas, mas lalong kumunot ang noo ni Aricella at mas lalong nagtataka sa sinabi nito. Bakit si Igneel ang magsasabi o magdedesisyon tungkol sa pagsundo sa kanya? "Bakit siya ang