KABANATA 19 I HINDI INAASAHANG BISITA

“Sabi ni Asher magpahinga ka na lang sa bahay. Hindi mo kailangang pumunta ng Cherry Blossom ng ilang araw,” sabi ni Willow na naghain ng pagkain sa tabi ng kama ni Via.

“Okay na ang pakiramdam ko, Willow. Mababagot lamang ako rito dahil wala akong ginagawa,” ani ni Via. Aalis na sana siya, pero pinigilan siya ni Willow.

“Hindi! Hindi! Magpahinga ka lang. Bukod dito, marami kang magagawa sa bahay, halimbawa na lang ang paggagantsilyo,” suhestiyon ni Willow sa kaniya.

Napabuntong-hininga si Via, at napatingin sa orasan sa nightstand. Masyado pa namang maaga. Maging ang araw ay sumisikat pa lamang.

Nang makitang seryoso ang mukha ni Willow ay napabuntong hininga siya.

“Sasamahan kita subalit hanggang sa tanghali lamang dahil may aasikasuhin ako ngayon,” sabi ni Willow na tila bang nag-aatubiling iwan si Via-ng mag-isa. Ngumiti siya at mahinang tinapik ang balikat ni Willow.

“Huwag kang mag-alala. Matanda na ako para alalahanin mo pa.” Tumango si Willow at tinapos na lang ang ginaga