KABANATA 18 I ANG PANGAKO NI EVELYN

Napatalon si Willow mula sa sofa nang makita ang maputlang mukha ni Via.

“Via! God, sobrang lamig ba sa labas? Bakit sobrang putla mo na?” ani ni Willow na agad namang sumalubong kay Via sa may pintuan. Malamya ang katawan ni Via hanggang sa inalalayan siya ni Willow, inakbayan siya ng babae at pinahiga sa kaniyang kama.

“Gusto mo bang ipagtimpla kita ng tsaa?” nag-aalalang tanong ni Willow. Tumango lang si Via nang hindi umiimik.

“Sandali,” sabi ni Willow at pumunta sa kusina.

Tinawagan niya si Asher pagkarating niya sa pantry.

“Anong meron?” tanong ni Asher sa kabilang linya.

“May sakit yata si Via, pwede bang bumisita dito si Doctor Ares?”

May tunog ng kandado at pagbukas ng pinto mula sa kabilang linya nang marinig ni Asher ang gulat sa boses ng kan’yang pinsan.

“Pupunta ako riyan, teka lang,” nagmamadaling sabi ni Asher.

“Ihahatid ko si Ares, tapos na yata ang shift niya sa clinic.” Nang marinig ang mabilis na tugon ng kan’yang pinsan ay nakahinga ng maluwag si Willow.

Agad