Chapter 35

Pierre

Hanggang ngayon ay para pa rin akong nasa alapaap. Nawala ang kalasingan ko. Hindi pa rin ako makapaniwala sa sinabi ng doctor kanina. Buntis si Nika! Magkaka baby na kami! Ang bilis ng pintig ng puso ko. Samu't sari ang nararamdaman ko pero mas lamang ang saya. Natupad ang piping kahilingan ko nung gabing inangkin ko sya sa likod ng bahay nila. Kung tutuusin ilang araw pa lang ang nakakaraan ng hilingin ko yon, ibig sabihin buntis na sya nun.

"Congratulations anak. Magiging daddy ka na."

Dun lang ako napukaw sa pag iisip ng magsalita si Papa at tapikin ako sa balikat. Bakas din sa mukha nya ang katuwaan at pagkasabik.

"Thanks Pa." Sagot ko at ngumiti.

Umupo ako sa upuan habang mahigpit pa rin ang hawak sa kamay ni Nika. Nawalan sya ng malay kanina sa kalagitnaan ng pagsasalita ng doctor. Ang sabi naman ng doctor ay pagod lang sya at hayaan munang magpahinga. Hinalik halikan ko ang palad nya habang nakatingin sa magandang mukha nyang payapang natutulog. Hinaplos ko ang pisng