Chapter 34

Nika

Hindi ko magawang ihakbang ang mga paa palabas sa komedor. Humigpit ang hawak ko sa strap ng sling bag. Tumahip din ang dibdib ko.

"Grace, ginawa ko na ang lahat ng makakaya ko pero ayaw na talaga sayo ni Pierre at wala na akong magagawa dun."

"So, hahayaan nyo na lang sya sa batang hampas lupa na yun. Tita naman."

"Desisyon na ni Pierre yun. You know naman Pierre, hindi mo sya madidiktahan, kahit ako pa na ina nya. Kaya wag na nating ipilit ang gusto mo. At saka mabait na bata naman si Nika at nakikita ko kung gaano nila kamahal ang isa't isa. Ang gusto ko lang ay ang kaligayahan ng anak ko, at kung yung babaeng yun ang magbibigay ng kaligayahan nya, sino ba ako para hadlangan yun." Litanya ni tita. Napakagat labi naman ako sa sinabi nya at may tuwang umusbong sa aking dibdib.

"Eh di mas gusto nyo na nga ang batang yun kesa saken." Mataas na ang boses na saad ng ex ni Pierre.

"Grace -- "

"Kung hindi nyo ko matutulungan, puwes ako na lang ang gagawa ng paraan." Pinal na sab