Chapter 17

Nika

NILAMPASAN lang ako ni Pierre at tumungo ng kusina. Napakagat labi ako at sinundan lang sya ng tingin. Parang gusto kong umiyak.

Ipinilig ko ang ulo at sinundan sya sa kusina. Bukas ang ref, nakatalikod sya at umiinom ng tubig. Nakasuot lang sya ng sandong puti at itim na cotton shorts. Dahil maliwanag pa naman kaya malaya ko ngayon napagmamasdan ang malalapad nyang balikat at namumutok na mga muscles sa braso, mabilog din ang pang upo nya pati na ang mga hita nya at binti ay puro muscles din. Ito ang tunay na definition ng seksing lalake. Wala man lang akong makitang taba.

Napakagat labi na naman ako at muling pinilig ang ulo. Gaga! Kanina lang gusto mong maiyak dahil hindi ka nya pinapansin ngayon pinagnanasaan mo naman sya.

Saktong pag angat ko ng tingin ay nasalubong ko ang matiim nyang titig, nakakunot noo sya na parang nagtatanong kung anong nangyayari sa akin. Ngumuso ako at lumapit sa kanya habang hindi makatingin ng diretso.

"G-Galit ka?" Nanantyang tanong ko. Bumunt