Pahina 4.2

NAGRAAN ang dalawang linggo at naging abala si Yena sa trabaho niya. Simula din ng gabing malaman niyang mayroon ng kasintahan si Nikko ay hindi na siya umuwi sa inuukupa nitong tirahan at nag ukupa nalang ng sariling maliit ng kuwarto malapit sa kaniyang pinagtatrabahuan.

At kahit ni isang mensahe man lang mula kay Nikko ay wala siyang natanggap.

"Yena, paki bigay nga sa'kin iyong mga listahan ng mga stocks na padating mamaya. Naroon naka lagay sa loob ng office, sa maliit na lamesa." kaagad siyang tumango.

"Sige po, sandali lang."

"Teka, Yena." pigil ng kaniyang boss. Kunot noong nilingon niya ito.

"Bakit Ma'am?"

Kaagad na tinuro ng boss niya ang kaniyang kanang bulsa gamit ang nguso nito. Napa tingin kaagad siya doon.

"Kanina pa iyan tumutunog, hindi mo yata napansin," nagsalubong ang kilay niya na kinuha ang cellphone sa bulsa at namilog kaagad ang kaniyang parehong mata ng mabasa ang pangalan ng nasa screen.

"H-Hello?" hindi niya maiwasang kabahan. Naglakad muna siya pala