KABANATA 11

Malinaw na malinaw pa sa alaala ni Clarisse ang babaeng nasa harapan niya. Noon pa man ay bully na talaga ito. Ito ang kanilang Queen Bitch noon. Ang dami nga nitong alipores eh. Spoiled brat din ito kaya lahat ng gusto nito ay nakukuha nito. Isa siya sa mga napagtrip-an nito noon. Pero hindi gaya ngayon, may tagpagtanggol siya noon—si Drake. Walang araw na hindi siya sinasamahan ni Drake magmula noong b-in-ully siya.

Iyon din ang simula ng pag-iibigan nila ni Drake. Nagsimula sila noong iniligtas siya ng lalaki sa mga bully noong panahong iyon. Sobrang takot na takot siya noong mga panahong iyon dahil ikinulong siya ng mga alipores si Marie sa cubicle ng CR dahil lang nagustuhan ng mga ito ang kanyang suot na bracelet. Gustong kunin ng mga ito iyon sa kanya pero nagmatigas siya kaya pinagtulungan siya ng mga ito at ikinulong sa CR. But then Drake arrived. Tila naging isang knight in shining armor niya ito nang sinipa nito ang pinto ng cubicle kung saan siya nakakulong.Para siyang na