Chapter 157.5

Pero sa totoo lang, hanggang sa mga oras na iyon ay mabigat pa rin sa kaniya ang mga salitang narinig niya sa mga katrabaho niya kanina. Kahit na masarap yung mga kinain niya kanina ay medyo maputla at malungkot pa rin ang kanyang mukha. Pagkasakay niya ng kotse ay nilingon siya ni Lucas habang nakaharap ito sa laptop nito.

Nang matitigan ni Lucas ang mukha ni Annie ay agad niyang itiniklop ang laptop niya at pagkatapos ay inilagay sa kanyang tabi. Pagkatapos ay hinila niya si Annie at niyakap. Hinaplos niya ang pisngi nito. “Anong nangyari? Bakit parang napakaputla mo at ang lungkot ng mga mata mo?” tanong niya kaagad rito.

Nagkunwari namang nagulat si Annie dahil sa sinabi ni Lucas at pagkatapos ay hinawakan ang mukha niya. “Huh? Hindi no. baka nasobrahan ko lang ang lagay ko ng foundation ko kanina kaya medyo maputi.” sabi niya rito.

Huminga ng malalim si Lucas at tumingin sa kaniya. “Annie…” sabi nito at tumitig sa kanyang mga mata. “Alam mo ba, hindi ka magaling magsinungaling ka