Chapter 146.1

Sa silid ni Lucas ay tahimik namang nakatingin lang si Kian. hindi niya alam kung bakit bigla na lamang itong nagalit. Sa sahig ay nagkalat ang piraso ng ibinato nitong baso at nakita niya rin kung paano nagtaas baba ang dibdib nito. Hindi siya nagsalita at hinintay lamang niya na kumalma ito.

Ilang sandali pa ay humiga ito sa kama at pumikit samantalang siya ay lumabas naman para tumawag ng maglilinis sa ginawang kalat ng boss niya kasabay nito ay nagmamadali rin siya para habulin si Annie.

Eksakto namang nakakailang hakbang pa lamang si Annie nang lumabas mula sa pinto si Kian at ilang sandali pa nga ay narinig niya mula sa kanyang likod at pagtawag nito sa kaniya. “Miss Annie, sandali!” sabi nito at nang mapagtanto nga niyang si Kian iyon ay bumagal siya sa kanyang paglalakad.

Tumakbo naman si Kian para lang mahabol siya at humihingal na nagsalita nang maabutan siya. “Miss Annie salamat sa pagpunta mo para makita mo si Sir at hiniling niya sa akin na ihatid kita.” sabi nito sa kani