Chapter 17.3

Agad naman itong napailing. “Pumunta lang ako rito para dalawin kayo.” sagot nito sa matanda.

“Nakita mo na ako, pwede ka ng umalis.” malamig na sabi nito kay Lily.

Agad naman na namutla ang mukha nito nang marinig niya ang pagtataboy ng matandang babae. “Lola, lumaki ako na malapit sa inyo pero bakit ganyan kayo sa akin? Noong araw ay mahal na mahal ninyo ako.” sabi nito na punong-puno ng hinanakit ang tinig.

Hindi naman sumagot ang matanda at nanatiling tahimik lang. Ilang sandali pa ay muling nagsalita si Lily. “Noong maaksidente tatlong taon na ang nakakaraan si Noah ay nagpadala ang aking ina ng tauhan niya upang dalhin ako sa ibang bansa at nagtalaga siya ng isang taong magbabantay sa akin bente kwatro oras. Dahil doon ay naisip ko na tiyak na sobrang nalungkot si Noah dahil sa sapilitang paglayo ko sa kaniya at nang mabalitaan ko na nag-asawa na siya ay wala akong ibang ginawa kundi ang umiyak at halos ayaw ko ng mabuhay pa ng mga oras na iyon.” sabi nito. Nakatayo ito doon at