Chapter 18.3

Pagkatapos maligo ni Noah ay humiga siya sa tabi ni Alexa. Hinawakan nito ang mukha nito at tinitigan habang mahimbing ang pagkakatulog nito. Ilang sandali pa nga ay hinalikan nya ang noo nito at pagkatapos ay bumulong. “Kapag tinawag mo pa sa panaginip mo ang Nio na iyon ay magagalit na talaga ako.” bulong niya kahit na alam niya na hindi naman siya nito maririnig dahil napakahimbing ng tulog nito.

Ipinikit niya ang kanyang mga mata at niyakap ito pagkatapos ay natulog.

Kinabukasan, nang magising si Noah ay umaga na. Dahan-dahan siyang bumangon para hindi magising si Alexa at lumabas ng silid.

Nang magising naman si Alexa ay wala na siyang katabi at mag-isa na lamang niya sa kama. Dahil nga wala siyang saplot ng mga oras na iyon ay nagbihis muna siya at nagtungo sa banyo upang maghilamos at mag-toothbrush na rin. Nagsuklay na rin siya dahil gulo-gulo ang buhok niya nang makita niya ang repleksiyon niya sa salamin.

Pagkatapos niyang maayos ang itsura niya ay bumaba na siya. Naabutan