Chapter 18.1

Matapos mapuno ang bathtub ay pumasok na si Alexa sa loob ng banyo. Sa tulong ni Noah ay nahubad niya ang kanyang damit at mabilis na lumublob sa bathtub. Itinaas niya ang nasugatan niyang kaliwang kamay upang hindi ito mabasa at pagkatapos ay nilingon si Noah na hanggang sa mga oras na iyon ay hindi pa rin lumalabas mula doon. “Lumabas ka na at kaya ko ng maligo mag-isa.” sabi niya rito.

Sa halip naman na lumabas ito ay inililis lamang nito ang manggas ng suot nitong long sleeve at kinuha niya ang pink bath towel na nakasabit sa dingding at pagkatapos ay nilingon siya nito. “Tutulungan kitang kuskusin ang likod mo dahil hindi ka nakaligo ng maayos nitong mga nakaraan at ang katawan mo ay baka naipunan na ng libag.” sabi nito sa kaniya.

Sasabihin pa lang sana niya rito na huwag ay agad na niyang naramdaman na kinuskos na ni Noah ang kanyang likod. Ilang sandali pa ay muli itong nagsalita. “Tingnan mo nga, ang daming libag ng likod mo.” sabi nito sa kaniya.

Bigla namang nahiya si Alex