Chapter 62

PAGDATING namin sa may parking lot ay agad hinanap ni Jass ang sasakyan at mabilis akong pinasakay sa front seat. Wala pa rin kaming kibuan pero ramdam ko kung gaano kabigat ang bawat kilos niya.

"J-Jass, it was Dino." Kinain ko ang takot at pinangunahan na siya. "Tita ni Dino 'yong babaeng kasama ko kanina. Tapos, Tito niya 'yong inoperahan mo. Pauwi na sana ako no'n, nasa lobby na ako pero nakita ko si Tita Ana. Na-curious lang ako kung ano'ng nangyari, then nalaman ko na naaksidente nga sila. Inaamin ko, I was worried. S-Siyempre, naging parte siya ng buhay ko. Pero hanggang doon lang 'yon, Jass. Tiningnan ko lang kung maayos ang lagay nita at wala nang ibang kahulugan iyon. P-please, please, maniwala ka sana."

Halos tumulo na ang luha habang nakikiusap sa kaniya.

"At hindi mo muna talaga pinaalam sa 'kin? Kung hindi pa kita nakita, magsisinungaling ka pa?" galit pa ring singhal niya.

"S-Sasabihin ko naman sana talaga sa 'yo eh. Kaya lang, nakita ako ng tita niya, hinila ako. I ha