Chapter 69

SA mansion nina Jass sa Tagaytay kami iniuwing mag-iina ng aking mga in-laws. Isinama na rin si Mina na siyang magiging katuwang ko sa pag-aalaga ng kambal. Bukas ng umaga ay may darating pa raw na private nurse na tutulong upang magkaroon ako ng sapat na pahinga.

Pero sa totoo lang, makakapagpahinga nga ba ako? Kung bawat minutong lumilipas, si Jass ang nasa isip ko?

"Tay..." umiiyak na pahayag ko. Kausap ko sa cellphone si Tatay at halos isang linggo na rin ang lumipas mula nang makauwi kami sa mansion. "Tay, h-hindi kaya si D-Dino ang may gawa niyon? S-Siya lang ang naisip kong may motibo para gawin iyon eh. B-Baka hindi niya lubos na tanggap na wala na talaga kaming pag-asang magbalikan pa," sabi ko.

"Anak, huwag kang basta-basta mag-aakusa," mahinahong tutol ni tatay.

"Bakit hindi puwedeng siya eh siya lang naman ang may dahilan para gawin 'yon? N-Noong huling usap namin, m-mukhang hindi niya tanggap ang nangyari. N-Napangakuan ko siya at umasa siya. N-Naghintay siya sa akin nang