Chapter 68

JEN

SA muling pagmulat ng mga mata ko, nakahiga na ako habang may mga unipormadong tao sa paligid ko na nagtutulak sa stretcher kung saan ako nakahiga. May ikinakabit na ring kung ano sa may ilong ko. Kasabay niyon ang hindi maipaliwanag na sakit na nagmumula sa balakang ko.

Umikot-ikot pa ang mga mata ko sa paligid. I think I know where I am now. Nasa ospital ako. Ngunit sa kabila ng sakit na nararamdaman ko, may isang tao akong naalala. Sinubukan kong tanggalin ang bagay na nakatakip sa ilong ko.

"'Yong asawa ko po. N-Nasaan ang asawa ko?!" halos mamaos at histerikal na sigaw ko.

"Misis, ang alalahanin ninyo ay ang dinadala n'yo sa sinapupunan n'yo," iyon lang ang sinabi ng doktor saka muling ikinabit ang oxygen sa tapat ng ilong ko.

Ipinasok na nila ako sa emergency room. Nagkakagulo sila. May naghubad agad ng damit ko at pinaltan iyon ng hospital gown. Napapaigik na ako sa sobrang sakit dahil ito na yata ang labor na sinasabi nila. Manganganak na siguro ako.

Nakita ko ang hinu