Chapter 70

JEN

"NOONG nakaraang buwan pa nailibing si Dino," halos pabulong na sabi ni Tatay habang pareho kaming nakatingin sa makintab at halatang bagong gawa pa lang na lapida. Nakasulat doon ang buong pangalan ng dati kong nobyo.

Sandino June dela Cruz. Pati ang petsa ng kaniyang kapanganakan at ang araw ng kaniyang kamatayan.

Hindi magkamayaw ang luha ko habang pinagmamasdan ang nitso nito. Parang kailan lang. Ambilis ng pangyayari. Hindi ko akalaing magagawa niya ito sa kaniyang sarili.

At dahil pa sa akin!

"Isang linggo, bago ko nabalitaan ang nangyari, nakita ko pa siya no'ng nagbibiyahe ng kanilang traysikel. Antagal ko siyang hindi nakita. Malamang kauuwi niya lang no'n galing Maynila. Anlaki ng ibinagsak ng katawan niya," patuloy lang ni Tatay. "Tapos isang araw, may nasagap na lang akong balita, wala na nga raw. Ang sabi, iyon nga... natagpuan na lang nilang walang buhay sa loob ng kuwarto."

Lalo lang nadurog ang puso ko. Had I known that this would happen, dapat first day pa lang