Chapter 61

GUMAAN ang bigat na nararamdaman ko nang makita ang magandang balita. Mukhang sugat at gasgas lang ang natamo ni Dino sa aksidente at ang tiyuhin lang ang talagang napuruhan. Pero wala na ring problema sa huli dahil balita ko ay successful daw ang operasyong ginawa rito ni Jass. Though still kritikal ang kondisyon, at least, may pag-asa naman na makaliligtas ito.

Nakatayo lang ako sa isang gilid habang nakatingin kay Dino na nakahiga pa rin sa stretcher bed nito. Nakaupo ito at may benda sa bahagi ng ulo. Nagsasalita ito at malamang nagkukuwento sa dalawang kasamang pinsan ng mga nangyari.

"Jennifer? Ano'ng ginagawa mo riyan? Ba't hindi mo puntahan ang nobyo mo?"

Napaigtad pa ako nang makita si Tita Ana. Base sa hitsura nito ay mukhang nahimasmasan na ito.

"H-Hindi na po. Nakalapit na po ako kanina," pagsisinungaling ko.

"Ganoon ba? Eh papatingnan ko pa muna bali sa 'yo eh. Magdedelehensya pa kasi kami ng pambayad. Buti na lang mabait ang doktor na nag-opera sa Tito mo. Inoperahan a