Chapter 135 - Who Is Richer?

Napansin niyang bumukod din ng mesa si Jackielyn, tila ayaw nitong makasabay si Darwin sa iisang mesa. Naupo siya sa kinaroroonan nito.

"You're back. Order na tayo?" sumilay ang matamis na ngiti sa labi nito nang makita siya. Ngumiti siya pabalik at tumango.

Pinagmasdan niya si Kina sa katabing mesa, ang mukha nito ay puno ng pag-aalala. Gusto niya itong lapitan at kausapin, sabihing ayos lang ang lahat dahil kaya naman ni Alona ang kanyang sarili. Ngunit pinipigilan naman siya ng kanyang hiya.

Napatingin sila kay Alona nang tumawa ito. "Isang milyong dolyar? Malaki na iyon para sa'yo?" nakaismid nitong sambit, ang mukha nito ay puno ng pagkakampante sa sarili.

Napataas ang isang kilay ni Darwin. "Bakit, meron ka bang gano'n kalaking halaga?" Sinabayan nito ang pag-ismid ni Alona. Mas malawak pa at medyo may pagyayabang. "I bet ni wala ka man lang ngang kahit na isang daang dolyar, milyon pa kaya?" Nagpalinga-linga ito sa paligid na para bang kinukuha ang pagpanig ng mga kustomer per