Chapter 134 - What Actually Happened?

Lumapit ang waiter at malugod na binati si Alona. Ngunit agad din iyong naglaho nang mahagip ng tingin nito ang mukha ni Darwin na magkasalubong ang kilay.

'Bakit bumalik si Mr. Quinton dito?' may takot na tanong nito sa isip.

Napansin iyon ni Luke. Anong nangyari dito kanina? Bakit mukhang natatakot sila kay Darwin?

"I want this, this, this, this and this. At pagkatapos ay isama mo na rin 'to. And then..." Sa dami ng itinuro ni Alona ay hindi iyon nasabayan ng waiter. Ang atensyon nito ay na kay Darwin pa rin. Panay tango-tango lang ito.

"Hey, nakikinig ka ba?" puna ni Alona rito.

"Y-yes." kinakabahan nitong tugon.

Tinaasan ni Alona ng isang kilay ang waiter pagkatapos ay kinuha niya ang hawak nitong menu at pati na rin ang ballpen na nakasabit sa may bulsa ng uniporme nito. Pinagbibilugan niya sa menu ang kanyang mga order.

"'Yan lahat ang order ko." sambit niya pagkatapos ay ibinalik iyon sa waiter. Katulad ni Luke ay napansin din niya ang takot sa mata ng waiter nang tingnan nito