Chapter 137 - Darwin Intends To Reveal Luke's Identity

Pagkabalik ng manager, may dala-dala itong maliit na card reader machine o POS terminal kung tawagin. Sa pamamagitan nito ay malalaman ang eksaktong laman ng mismong credit o debit card na isasalpak rito. Iniabot iyon ng manager kay Darwin.

"Malalaman ba nito ang pangalan ng may-ari ng card?" tanong ni Darwin sa manager.

"Y-yes." kinakabahang tugon ng manager. Hindi pa rin maalis sa isip nito ang ginawa kaninang pagsampal sa kanya ni Darwin at pagtapon ng kape sa kanyang mamahaling suit.

Iyon ang pinakanakakahiyang nangyari sa kanya sa restaurant na iyon sa puntong gusto na nitong mag-resign.

"Good." saad lang ni Darwin.

Napangisi pa ito habang nakatingin kay Luke. 'Hindi ko maintindihan kung anong pinaplano mo, Mr. Cruise. Pero oras na para malaman ng buong mundo ang pagkakakilanlan mo. Ikaw rin naman ang may kagustuhan nito kaya hindi mo ako masisisi.' sambit nito sa isip.

Matapos ng saglit na pag-aanalisa, inisip ni Darwin na baka ang Luke ngayong nasa harapan niya ay siyang tunay