Chapter 123 - Well Manipulated

Nagulat ang lahat nang makita si Bernard, maliban kay Luke. Ang tensyon sa labas ng mansyon na likha ng panandaliang pagtutunggali ni Luke at Oliver ay napalitan ng pagtataka dahil sa presensya ni Bernard.

"Mr. Bautista? Ano pong ginagawa niyo rito?" salubong na tanong ni Dominica, nasa likuran nito si Caroline habang may malawak na ngiti.

Si Bernard, na may malawak na ngiti sa mukha nang makita si Luke, ay tipid lang na ngumiti nang bumaling kina Dominica. Katabi nito ang isang magandang babae na mas pinaganda pa ng simple nitong make-up na tumatakip sa namumulang pisngi nito, habang tila kumikinang ang matang nakatitig kay Luke. Si Pauline iyon.

"I'm here dahil nabalitaan ko kay Mr. Martinez na natagpuan niyo raw ang SVIP card ni Mr. Timothy Cruise," tugon ni Bernard, kaakibat ng maawtoridad nitong personalidad ang maawtoridad din nitong boses.

Napakunot ang noo nina Dominica na napabaling ang tingin sa nagugulumihanan ding si Noah. Wala rin itong ideya sa kung anong ibig sabihin ni