Chapter 115 - Kina Meets Darwin

Pero anupaman ang naging desisyon niya ay parehas lang na maaapektuhan si Kina. Kung hinayaan niyang matuloy ang kasal nito ay hindi lang kalayaan ni Kina ang mawawala, sigurado siyang may iilan pa ring sakim na Young Masters ang magpupursiging agawin si Kina kay Lance.

Mas lalala nga lang ang mangyayari ngayon lalo pa't buong mundo na ang nakakakilala kay Kina. Na pinalala pa nang husto ng naging plano nina Caroline at Dominica. Isang masama at makasariling plano na hindi niya napaghandaan.

"Alam kong isa itong maling ideya. Pero wala akong ibang pagpipilian kung hindi ang pumayag sa gusto nilang mangyari lalo pa't pumayag din naman si Kina sa gusto nila." Natigilan si Luke sa sinabing iyon ni Javier.

Ano?

"Hinayaan lang ni Kina na gawin iyon sa kanya ng kanyang ina at ni Lady Dominica?" gulat na tanong niya.

"Sinabi ko na sa'yo kung gaano kabait ang apo kong iyon. Sa ganitong sitwasyon ay hindi niya tatanggihan ang anumang ipakiusap na gawin sa kanya ng kanyang ina makatulong la