Chapter 120 - A Fake Martial Artist

Sinubukan ni Noah na bigyan ng babala si Oliver pero tila hindi siya nito pinansin na patuloy lang sa pakikipag-usap kina Dominica.

"Sa tingin ko rin po ay totoong naloko lang ng lalaking 'yan si Lord Javier na isa siyang mahusay na martial artist." Sambit pa ni Oliver na ikinalaglag ng balikat ni Noah.

Anong kalokohan ang sinasabi ni Oliver? Plano ba nitong galitin si Luke?

"You think so? Pwede mo bang ipaliwanag sa'min kung bakit?" tanong ni Caroline.

May malawak na ngiting lumapit si Oliver kay Luke at nagtanong. "Ilang taon ka na?"

Hindi agad sumagot si Luke sa halip ay pinagmasdan niya muna ang may pagkahambog na mukha ni Oliver. "Bente." tipid niyang tugon dito.

Humalakhak si Oliver. "Twenty? Pero kini-claim mo na isa kang mahusay na martial artist? That's absolutely ridiculous!" wika nito. "You have the audacity to deceive Lord Javier, huh?"

Bukod kay Noah at Javier na parehong may magkasalubong na kilay, naintriga ang mga tao roon kung bakit nasabi ni Oliver na nagsisinu