Chapter 86

Sabay na lumabas sina Isabel at Angela na kaibigan niya sa washroom para bumalik sa nagaganap na party sa loob nang hindi nila inaasahan na makakasalubong nila si Callix. Nanlaki ang mga mata nilang dalawa. Nagkatitigan pa nga silang magkaibigan. Muling naramdaman ni Isabel ang mabilis na pagtibok ng puso niya. Seryosong nakatingin si Callix sa harap nilang dalawa.

"Nandito pala kayong dalawa..." malumanay na pagkakasabi nito sa kanilang dalawa. Muling humarap sa kanya ang dalawang magkaibigan na sina Isabel at Angela. "Babalik na ba kayo sa loob?"

"Oo," sagot ni Angela. Natahimik si Isabel kaya ang kaibigan niya ang sumagot sa tanong na 'yon ni Callix na mabilis naman silang dalawa na tinanguan. Humugot nang malalim na buntong-hininga si Callix at tumingin kay Isabel na nakakunot ang noo na nakatingin sa kanya.

"Wait, puwede ba tayong mag-usap, Isabel?" tanong ni Callix sa kanya. Siniko naman ni Angela si Isabel para papagsalitain ito na mukhang walang balak nagsalita sa harap ni Cal