CHAPTER 15

" Sinabi ko naman sa'yo, hindi ba? Sa ganitong sitwasyon, hayaan mong ako ang kumilos o umayos. Kaya ko naman ang sarili ko, tsaka isa pa mayroon din namang guwardiya na nakabantay sa labas. Dapat hinayaan mo ng sila na ang gumawa ng paraan para solusyunan 'yong nangyari kanina, " pangaral ni Lucine kay Morris—ang guwardiyang itinalaga ni Amadeus para bantayan siya. Kahit saan siya magpunta, palagi itong naroroon maliban na lang kapag siya ay nasa loob na ng bahay ampunan.

" Pasensya na talaga. Sumusunod lang ako sa utos. Ako ang mananagot kapag may mangyaring hindi maganda sainyo, " anito kaya napabuga na lamang sa hangin si Lucine bago ibalik ang tingin sa karinderya. Mag a-alas siyete na ng gabi at kailangan na nilang magsara. Hinihintay na lamang niyang matapos ang paglilinis bago sila tuluyang umuwi. 

" Lucine! " mula sa loob ng karinderya ay lumabas