All Chapters of Office Romance: Who's your Daddy?: Chapter 41 - Chapter 50

Maingat kong inilapag sa mesa ang mangkok na may lamang tatlong itlog na nilaga. Sinimulan ko itong durong-durugin gamit ang tinidor bago ilagay ang mayo saka hinalo-halo ito. Naglagay rin ako ng kaunting asin at paminta bago ito muling haluin at ilagay sa pagitan ng dalawang buns. Napatingin ako sa kalan nang marinig ang tunog na nanggagaling sa takure kaya inihinto ko muna ang ginagawa para patayin 'yong kalan at isalin ang bagong kulong tubig sa termos. Nagtimpla ako ng dalawang gatas at ipinuwesto ito sa magkabilang dulo ng mesa. Muli kong ipinagpatuloy ang pagpapalaman sa tatlong buns at nang makuntento sa paghahanda ng almusal, hinubad ko ang suot na apron at isinabit ito sa gilid ng lababo. Tumingin ako orasan na nakasabit sa dingding, alas siyete ng umaga. Lumapit ako sa bintana at hinawi ang kurtina para pumasok ang sikat ng araw mula sa labas. Maganda ang panahon ngayon, huwag sanang umulan dahil may lakad kami mamaya. " Mama! " Napatingin ako sa itaas ng hagdan nang marin

Kasalukuyan kaming nasa loob ng isang staff room, hinihintay ang pagdating ng lalaking sumundo saamin mula sa arcade nang magpaalam itong lalabas saglit. Tumingin ako sa dalawang batang kasama ko na abala sa pagkain ng cotton candy habang nagku-kuwentuhan tungkol sa mga laruan nila. Nakakatuwa silang pagmasdan dahil magkasundong-magkasundo sila. Napatingin ako sa pinto nang bumukas ito. Niluwa nito ang lalaking may maaliwalas na ngiti. " Sorry sa paghihintay. Kumain na ba kayo? "" Tito Ar! " Umalis si Phoebe sa pagkakaupo sa silya at patakbong sinalubong si Archer na tuwang-tuwa rin nang yakapin siya ng bata. Ilang buwan na rin ang nakalipas noong huling nagkita sila kaya ganiyan na lamang kasabik si Phoebe na makita ulit ang isa sa paborito niyang tito. Halos lahat ng naglalakihang laruan niya sa apartment, galing kay Archer kaya natural na tatatak sa kaniya ang mukha nito. " Tita, siya 'di ba 'yong nasa TV? " inosenteng tanong ni Colleen habang nakatingin kay Archer. Tumango ako

" Nasa loob ka na ng simbahan, Zenaida. " Sinalubong ko ang malamig niyang tingin saakin. " Lubusin mo na ang pangungumpisal mo. Gusto kong marinig lahat. " " Bakit hindi ikaw ang gumawa, ikaw ang nakaisip 'di ba? " Mabilis akong tumalikod mula sa kaniya saka siya nilayasan. Hindi ko na nagawang magbigay galang at makapagpaalam sa madre na nakasalubong ko dahil sa pagmamadaling makalabas ng simbahan upang iwasan si Joaquin. Nasa hagdan pa lang ako pababa nang may biglang kamay ang kumapit sa braso ko dahilan upang mahinto ako. " Bakit ba palagi ka na lang nagmamadaling umalis, Zenaida? Umiiwas ka ba saakin? " Pilit kong binawi ang kamay ko na hawak niya pero masyado itong malakas. " Bitawan mo 'ko kundi sisigaw ako. " Gumuhit ang sarkastiko niyang ngiti. " Ang lakas rin naman ng loob mong pagbantaan ako. Kinakausap lang kita—" " Hina-harass mo 'ko. " Matigas kong sambit habang diretsong nakatingin sa mga mata niya. " Huwag mo akong puwersahin na kausapin ka dahil wala tayong dap

" Ano? Magkasama kayo ni Sir Joaquin? " Inilayo ko nang bahagya sa tainga ko ang cellphone ko dahil sa lakas ng boses ni Jana mula sa kabialng linya. " Anong...paanong nangyari 'yon? Okay na kayo? Bakit ang bilis naman ng pagkakaayos niyo? " " Jana, kalma, okay? Hayaan mo muna akong magsalita, " saad ko habang pinagmasdan ang dalampasigan kung saan naliligo ang mag-ama. Nasa pinaka-ibabaw lang sila kung saan hanggang tuhod lang ni Joaquin ang taas ng tubig, habang si Phoebe naman ay kailangan ng masasakyang salbabida upang lumutang siya. " Paano ko magagawang kumalma, ginulat mo ako sa binalita mo?! " ani Jana, " So kaya pala absent ngayon si Sir Joaquin, ha? Alam mo bang nagpunta dito kanina 'yong assistant ni Sir Nicolas? Hinahanap si Sir Joaquin, pero hindi naman namin alam ang isasagot dahil wala naman kahit na sino saamin ang may alam kung bakit hindi siya ngayon pumasok. Mabuti na lang tumawag ka, at least ngayon, alam ko na. Dapat na ba kaming mag expect ng baby number two?

Nagising ako bandang alas siyete ng umaga. Wala na si Phoebe sa kama kaya bumangon agad ako at lumabas ng kuwarto. Walang tao sa salas at nang sumilip ako sa dining area, may pagkain ng nakalatag sa mesa at isang baso ng gatas na mainit-init pa nang hawakan ko ito. Lumakad ako patungo sa balkonahe at nakita ko agad sa 'di kalayuan sina Joaquin at Phoebe na naglalakad-lakad sa dalampasigan. Saktong lumingon sa gawi ko si Phoebe, kinawayan ako at sumenyas na lumabas para puntahan sila. Umalis ako sa balkonahe at huminto saglit sa mesa para inumin 'yong gatas bago ako tuluyang lumabas ng cottage at puntahan sila. " Mama! " Patakbo akong nilapitan ni Phoebe para yumakap sa binti ko. Tumalungko ako sa harap niya para magpantay ang tingin naming dalawa. " Good morning, baby. Mukhang maganda ang gising mo, ah? " saad ko dahil ngiting-ngiti siya ngayon na para bang bago ako makarating sa puwesto nila ay may maganda silang pinag-uusapang mag-ama. Inangat ko ang tingin kay Joaquin, balak ko