Lumipas pa ang ilang sandali nang marinig ko ang pagbukas ng pintuan. Nanatili akong nakayakap sa unan, nanghihina dahil sa matagal na pag-iyak. "Talianna," nahimigan ko ang kaba sa tono niya. Naramdaman ko ang paglubog ng kama at ang mainit niyang kamay na humaplos sa aking braso. Umiwas ako sakaniya, hindi siya tinitignan. Mas naging determinado siyang hawakan ako dahil pumulupot ang kaniyang braso sa aking baywang kahit na patuloy kong hinahawi ang kamay niya. "Don't touch me. Lumayo ka. Ayaw kitang makita," mahina ngunit punung-puno ng diin ang boses ko. Narinig ko ang paghugot niya ng malalim na paghinga. "Makinig ka muna sa'kin," marahan niyang bulong. "Lumayo ka," mas diniinan ko ang bawat salita. Kumilos ako upang itulak ang kaniyang dibdib. "Get away from me! Sinungaling ka! Lumabas ka! Lumayo ka sa'kin!"
Last Updated : 2021-11-06 Read more