Chapter 21

"TIYANG, ingatan mo pong muli ang patahian ha! Babalik po ako," paalam ni Yumi sa tiyahin.

Wala rin siyang nagawa kundi ang pumayag na sumama pabalik sa mansyon kay Vincent. Ewan ba niya kung bakit. Kung bakit ngayo'y hinihila siya pabalik sa mansiyon. Sinabi niyang hindi na muli pang tutuntong doon lalo na kung nandoon ang mag-inang Victoria at Yvonne.

"Oo, anak, mag-iingat ka roon, ha! Huwag mo kaming isipin dito, kayang-kaya namin ito at hindi namin pababayaan itong bahay."

Bago siya tuloyang sumakay sa kotse ng binata, niyakap muna niya si Althea. "Salamat," nangingiti pang bulong niya rito.

Ngumiti rin ito sa kanya. Naghintay ang mag-ina na makaalis ang sasakyan bago pumasok sa loob ng bahay.

"Mukha namang mabait 'yong sinasabing asawa ni Yumi, hindi ba 'nak?"

"Yes, Ma at guwapo rin siya. Iyon nga lang may kapayatan ito."

Samantala, walang imikan ang dalawa habang nasa biyahe. Nagpapakiramdaman lamang ang dalawa. Ngunit hindi nakatiis si Vincent.

"Thanks sa pagpayag mong sumama