Chapter 5 : His Ruthless Father

“Ano ‘to Evie?” sumambulat sa sahig ang mga dokumento at litrato ni Evie kasama ang isang kaibigan. Mahahalay ang ilang litrato na dahilan ng pagkalukot ng mukha ni Graeson.

“I’m sorry. Siguro mas maganda narin na nalaman mo ang tungkol dito?” 

Si Evie ay nagsimula bilang isang modelo ng mga sikat na brand ng damit at pabango dahil sa ganda nito hanggang mabigyan ng role sa isang pelikula. Nahanap ni Evie ang sarili sa pag-arte. Pakiramdam niya ay iyon na ang mundo niya ngunit mas naging mas masaya siya ng makilala niya si Graeson sa isang event. Alam niyang mas matutulungan siya nito upang makapasok ang isang simpleng babae sa mundo ng entertainment industry. Pinilit niyang mapansin siya ng isang playboy na laman ng bar at hindi naman siya nabigo dahil sa kaniya ay naging seryoso ito. Ngunit nang naging nobya siya nito ay itinago siya sa mga paparazzi at sa huli ay para lamang siyang basura na itatapon nito.

“I’m going to New York next month. Gusto kong may mangyari sa buhay ko. Gusto ko ang pag-arte at isa pa kasal kana. Hindi na tayo puwedeng magsama. Inaalala ko lang ang reputation ng pamilya mo,” paliwanag nito habang tumulo ang luha.

Siniil niya ng halik si Grae at sumampa siya sa kandungan hanggang mahubad nito ang kaniyang pang-itaas. 

“Ito ang nararapat sa ating dalawa. Hindi ako nararapat sa isang taga-pagmanang tulad mo.”

Nang marinig ito ni Grae ay nawalan siya ng gana. Napabuga siya ng hangin. Pinaalis niya sa kaniyang kandungan ang babae.

“Alam kong ayaw mo ng itinatago pero hintayin mo lang na maging CEO ako at ako na ang magpapasya sa buhay ko. Hihiwalayan ko si Yllena at pakakasalan kita kapag nangyari iyon.”

“Ayoko ng maghintay. Sapat na ang naitulong mo sa akin. Sa maganda’t mamahaling condo, sa mga endorsement ko at pagmamahal mo.”

“Tingin mo talaga pakakawalan kita ng basta-basta,” pagbabanta ni Grae.

“Anong gagawin mo? Pinagbabantaan mo ba ako tulad ng Daddy mo. Sasama na ako kay Louie sa New Yprk, gagawa ng pangalan at kung ‘don na ako makapag-asawa ay bahala na.”

“Lumabas din ang totoo. Tinakot ka ni Dad?”

Galit na tumayo si Grae at akma ng lalabas ng condo ng bigla siyang pigilan ni Evie.

“Saan ka pupunta? Aawayin mo ang ama mo? Huwag mong gagawin ‘yan, Please! Tutuluyan niyang sirain ang career ko. Siya ang nagbigay ng pera at mapapasukan kong school sa New York. Please, Grae! Eto ang gusto ko!”

“Mahal mo ba talaga ako?”

“Oo naman.”

Matapos marinig iyon ni Grae ay tinanggal niya ang kamay ni Evie na nakahawak sa kaniya. Minsan pa niya itong tinitigan at tumalikod. Pabalibag niyang sinarado ang pinto.

Pinalabas ng kaniyang ama na may relasyon si Evie at ang kaibigan nitong direktor. Ngunit napaamin din niya ang babae na lahat iyon ay kagagawan ng kaniyang ama.

Nagdrive siya papunta sa bar na pagmamay-ari ni Florentin, isa sa mga mayayaman niyang kaibigan. Nais niyang kalimutan si Evie ngunit habang nalalasing siya ay lalo lamang siyang nanghihina sa tuwing maaalalang aalis ito ng bansa at ‘don na mananatili. Marami siyang pera at kaya niyang gawing kapitbahay ang New York pero ang sirain ng ama ang career ni Evie ay ibang usapan. 

“Oh, baka naman magalit ang maganda mong asawa?” panunukso ni Florentin habang may akbay-akbay na babae.

“Do I have one?” nakakunot nitong sabi.

“Yes, at ang ganda niya. Ang bata pa..”

“Parehas lang kaming naipit dito. May privacy kami, walang pakielamanan.” 

Halatang marami na itong nainom dahil sa pagsigok-sigok nito at pagyuko.

“Really, so wala pang nangyayari? Hindi na ba siya V*?” 

“Anong in-expect mo sa mga tulad nila? Birhen. Right after the wedding namin alam mo bang magkahiwalay kami at sa mga sarili naming mga partner kami nagparaos ng gabi,” paliwanag ni Grae.

Nabalik sa kaniya ang boses ng lalaki na narinig niya sa background habang tinatawagan si Yllena nang gabing iyon at sigurado siyang pamilyar ito. Dahil ‘don ay nawalan siya ng gana na angkinin si Yllena dahil alam niyang pinagsawaan na ito ng ibang lalaki.

“Hindi mo manlang inilabas ng bansa para sa honeymoon? Hindi ka naman pulubi?”

“Sabi ko naman sayo we’re married on papers. Just in papers so walang espesyal! Kung si Evie ‘yon ay iikutin namin ang buong mundo para lang iparamdam na mahal na mahal ko siya,” pagyayabang ni Grae.

“Anong sabi ni Evie?”

“Wala. Wala na siya. Aalis siya ng bansa para mag-aral.”

“Kaya may time ka na para kilalanin ang babaeng pinakasalan mo?”

“Asa siya? Ang sabihin mo mag-s-start na ang miserable life niya sa piling ng isang Graeson Montblanc,” sabi ni Grae habang tinutungga ang bote ng alak.

Umuwi si Grae sa mansyon at halos pagewang-gewang na ito ng makapasok sa loob. Sinimulan niyang magbasag ng gamit kaya sa gulat ay lumabas si Yllena sa kuwarto nito na naka-night dress lang. Yakap-yakap ang sarili habang pinagmamasdan ang asawa na hinagis ang isang babasaging vase. Hindi niya ito magawang babain at pigilan dahil alam niyang hindi ito makikinig.

“Seniorita anumang oras ay darating na si Don Sesgundo,” ani ni Miding.

“Sa tingin ko ay hindi siya magpapaawat. Kaya hayaan ninyo lang siya!” ani ni Yllena.

“Naku, ibang klase pong magalit si Don Sesgundo! Hinding-hindi po ninyo magugustuhan ang makikita ninyo kaya puntahan po natin si Seniorito Grae,” hilakbot ni Miding.

Ilang linggo na siyang naroon sa mansyon at ngayon pa lamang niya nakita ang lalaking lasing na lasing. At normal na siyang nakakakita ng ganitong eksena dahil ang Tito Marcel niya ay ganito rin.

Pumiksi ang nguso niya habang ilang katulong ang pumigil kay Grae. Ngunit hindi rin natigil ito hanggang dumating si Don Sesgundo. May hawak-hawak itong mahabang bagay na panghagupit sa kabayo.

Tumingala muna si Don Sesgundo sa kaniya at nilapitan si Grae. Walang salitaan, walang diskusyunan at walang ka-abog-abog na hinataw sa may likuran ng hita si Grae. 

Napaluhod si Grae. “Dad,” sabi nito habang hinihimas ang kaniyang likuran kung saan siya hinagupit nito.

Dahil sa pag-aalala ay bumaba si Yllena. Nilapitan niya si Grae dahil akma na namang hahatawin ni Don Sesgundo ang hita nito.

“T-Tama na po..Please! Nasasaktan na po ang anak ninyo!” sigaw ni Yllena habang yakap-yakap si Grae.

“Bastos at wala ka talagang modo. Yllena, ganiyan ang lalaking napangasawa mo.” 

Umalis ito at naiwang umiiyak sa galit si Grae. Hinapis ni Yllena ang mukha ng asawa at niyakap.

“Shhh..Shhh…” pag-aalo ni Yllena sa lalaki.

Hindi niya lubos akalaing ganoon kalupit si Don Sesgundo dahil sa tuwing may pagtitipon ay larawan ito ng isang mabait, mapagpasensiya at isang huwaran sa mga batang negosyante.