Chapter 74: His background

“SERENA, sumama ka sa akin ngayon din!”

Weekend ngayon at nagpapahinga si Serena noong nagulat siya sa lakas ng boses ni Leila noong makapasok ito sa loob ng bahay nila. Wala si Kevin dahil tulad ng dati, may inaasikaso raw itong importante.

Kaya siguro malakas ang loob ni Leila na pumunta rito dahil wala ang pinsang lalaki.

“Saan tayo pupunta?”

Hindi niya malimot na noong huling beses na sumama siya rito ay sa club siya dinala. Ano na naman kaya ang plano nitong pinsan ni Kevin?

“Saan mo ako dadalhin?” Tiningala ni Serena si Leila na nasa harapan niya huminto. Nakahalukipkip naman ito at nakatitig sa kanya pabalik.

“Birthday ng kaibigan ko at gusto kong samahan mo ako.”

Binaba ni Serena ang hawak na iPad at umiling kay Leila. “Hindi ako sasama. Hindi ko rin naman kilala ang mga kaibigan mo kaya magiging out of place lang ako roon.”

“Magagalit ako kung hindi mo ako sasamahan!” Nagpapapadyak na ani Leila. Ngumiwi si Serena.

“Sige magalit ka.”

Napasinghap sa bigla si Leila. “...What