Chapter 140: Forgiveness is for those who deserve it

“CINDER, are you really going to do this? You're going to talk to her?” tanong ni Dace sa kanya. Sinamahan siya nito para puntahan ang hospice kung saan doon na nananatili ang lola na nagpalaki sa kanya.

Nakabihis sila bilang hospital staff dahil hindi na oras ng dalaw. Isa pa, ayaw mag-iwan ni Serena ng record dahil alam niyang may nagbabantay sa lola niya. Baka magulo ang tahimik niyang buhay kung isang maling desisyon, mailantad na buhay pa talaga siya.

She's just here for closure. Gusto niyang makausad na. At hindi mangyayari iyon kung hindi niya tutuldukan ang dating buhay.

Sinilip ni Serena ang oras sa cellphone na nasa bulsa at binalik iyon sa bulsa noong makita na pasado alas diyes na ng gabi.

Sinenyasan siya ni Dace na pwede na siyang pumasok sa private room ng lola at tumalima naman si Serena.

Nang makapasok siya, unang bumungad sa kanya ang tunog ng heart monitor na nasa gilid. May nakakabit ding oxygen sa ilong ng matanda at mukhang mahimbing ang tulog nito.

Napalunok