Chapter 143: He did it for her sake

“CHLYRUS, tell me the truth. Tama ba ang nalaman kong impormasyon tungkol kay Kevin? You already knew it but you kept it from me?”

Walang katok-katok na binuksan niya ang pinto ng study room ni Chlyrus at tinanong iyon.

Natigil sa meeting si Chlyrus at inangat ang tingin mula sa screen ng macbook na kaharap.

“Meeting adjourned,” anito sa mga kausap at saka siya hinarap. Sinara nito ang macbook pagkatapos i-idle mode iyon.

“You're here?”

“Tama ba ang nalaman ko?” imbes, iyon ang tanong niya.

Parang wala lang na tinango ni Chlyrus ang ulo na kinasinghap ni Serena. Halos dalawang taon na ang lumipas na ngunit ngayon niya lang nalaman ito!

“It's because you're busy with your training in HQ. Also, you already buried your past so I don't see the importance of telling that to you. Sinabi mo na kalilimutan mo na ang nakaraan kaya nirerespeto ko iyon.”

Pabagsak niyang sinara ang pinto at saka lumapit sa pinsan. Nakipagtitigan naman si Chlyrus sa kanya, hindi alintana ang galit ni Serena.