Chapter 119: Soon, Chiles, soon. Your wish will come true

HINDI kilala ni Kevin ang dalawa ngunit ramdam niyang ayaw sa kanya dahil sa tinging binibigay sa gawi niya.

Umawang ang bibig ni Kevin noong buksan ng isa ang gate at hatakin siya papasok. Ang mga tauhan naman na dala ni Kevin ay nakasunod kay Kevin kaya nakita nila ang nangyari.

“Bitiwan mo ang boss namin!” sigaw ng isa sa kanila.

Hindi pinagtuonan ng pansin ng dalawang lalaki ang sigaw ng tauhan ni Kevin kaya ang ginawa nila, nagpumilit din pumasok habang hawak ang kani-kanilang baril. Mabuti at wala namang pumipindot ng gatilyo dahil nasa loob pa rin sila ng bakuran ng ibang tao.

“You're Kevin? Matagal ka na naming gustong makilala,” pero sa tono naman ng lalaking nagsalita na si Thanatos, ramdam ang pinipigil na galit.

Pagkatapos sabihin 'yon, hinarap nito at ng isa pa nitong kasama ang mga tauhan ni Kevin at wala pa sigurong minuto, bagsak ang pitong guards ni Kevin habang ang mga baril nila, nasa gilid.

Ngayon, hinarap ng dalawang lalaki si Kevin at ang isa sa kanila, hina