Chapter 121: Hanni's background

DAHIL sa naging tanong ni Antigone, hindi mapigil ni Hanni na magbalik tanaw sa kung paano nga ba naging parte ng buhay niya si Yves at kung bakit niya ito iniiwasan ngayon. . .

Ulilang lubos na si Hanni. Kinagisnan niyang tahanan ang kalye at ang mga kasama niya ay katulad niyang mga bata na sa kalye na rin pumalit at nagkaisip.

Kung tatanungin kung may magulang ba siya o wala, hindi niya alam. Usap-usapan na nakita lang siya sa basurahan ng isa sa mga basurero at dahil naawa, kinupkop siya. Pero noong tatlong taon daw siya, dinapuan ng sakit iyong basurero na iyon at namatày sa kalsada kaya wala ring ala-ala si Hanni sa taong iyon.

Kasama ang mga batang kalye, namamalimos siya mula umaga hanggang gabi. Dahil din doon ay natuto si Hanni na mangholdap kahit na alam niya na masama iyon.

Ang nasa isip niya, mas kailangan na magkalaman at mabusog ang kanyang tiyan kesa isipin kung mabuti ba o masama ang ginagawa.

Ngunit hindi alam ng batang si Hanni kung malas ba siya o swerte dahil