Chapter 6a

Angel

Nanlalaki ang aking mga matang nakatingin sa kanyang mga mata na titig na titig din sa akin habang sige ang ginagawa niyang paghalik sa akin. Nakayuko na ito habang nararamdaman ko ang kanyang mga kamay na nakayapos sa aking baywang na naging dahilan upang halos kargahin na niya ako. Ang mga kamay ko ay nasa kanyang mga balikat at mahigpit na nakakapit na akala mo ay mahuhulog ako.

Hindi niya inaalis ang pagkakatingin sa akin at ganun din naman ako habang pilit kong ginagaya ang ginagawa ng kanyang bibig sa akin. He’s my first kiss and aaminin ko, kahit na napakasama ng tingin ko sa kanya dahil nga isa siyang mamamatay tao ay hindi ko mapigilan ang sarili ko na makaramdam ng kakaiba para sa kanya lalo na sa napaka eksperto niyang paghalik sa akin na tila gusto ko ng higit pa roon ang gawin namin. Ang tagal na magkahinang ang aming mga labi at tumigil lang ng kapwa na kami pangapusan ng hininga.

“Siguraduhin mong matututunan mo ang humalik ng tama, Angel.” Bigla akong parang nabuhusan ng malamig na tubig at bigla ko siyang naitulak. Akala ko ay matutumba ako dahil sa aking ginawa ngunit nasa baywang ko pa rin ang mga kamay ni Tore na nakakapit sa akin na agad din niyang binitawan pagkatapos ay mabilis na akong nanakbo palabas ng kanyang opisina papunta sa living room, paakyat sa second floor hanggang sa marating ko na ang aming silid.

Hinihingal na sumandal ako sa likod ng pintuan at tsaka ko sinabunutan ang aking sarili. “Anong nangyayari sayo Angel?” tanong ko sa sarili ko habang nakaturo ang aking daliri sa aking mukha.

Nagpapadyak ako palakad papunta sa kama tsaka pabagsak na naupo. Ano ba itong nangyayari sa akin? Bakit ba ganito ang nararamdaman ko? Dapat ay takot at galit ako sa lalaking iyon ngunit bakit parang may kakaiba sa akin? Hindi ko maitatanggi pero nagustuhan ko talaga! Bigla kong tinakpan ng aking dalawang palad ang aking mukha at tsaka ako sumubsob sa kama at nagpapagpag ng aking mga paa na tila bata.

“Anong nangyayari sayo?” bigla akong napabalikwas ng bangon dahilan upang bumagsak ako sa sahig ng pabukaka bago ako biglang nakarinig ng pagsipol.

Pagtingala ko ay nakatayo sa may pintuan ang damuhong lalaki at nakatingin sa akin bago niya isinara ang pintuan at sumandal doon tsaka humalukipkip. Hindi ako makatayo sa pagkakahiga dahil sa sakit ng aking balakang pero si Tore ay nakatayo pa rin sa pinto at prenteng prenteng nakatingin sa akin na ikiinataka ko dahil mukhang nag-e-enjoy ang loko.

Umusok ang ilong ko sa galit ng mapagtanto kong sa pagitan ng aking mga hita ito nakatingin at naalala kong wala nga pala akong panty! Dali dali kong itinikom ang aking mga hita na nagpabaling ng tingin niya sa akin, I mean, sa mukha ko.

“Ang damot mo naman,” sabi niyang tila nang-aasar. Hindi ako nakapagsalita dahil hindi dapat bagay sa kanya ang gumanon pero bakit ang pogi niya sa paningin ko? Nakita kong lumakad siyang palapit sa akin kaya naman sinikap kong matayo agad. Kaya lang ay malalaki ang mga hakbang niya kaya naman nabuhat na niya ako at nailapag sa kama bago pa ako nakahuma.

“Sa pagkakaalam ko ay may kasamang underwear ang paperbag na binigay ko sayo.”

“Bagong bili iyon at hindi pa nalalabhan paano kung mangati ang—” hindi ko naituloy ang sasabihin ko dahil sa hiya.

“Kakamutin ko, sabihin mo lang.” 

“Bastos!” gulat kong sabi.

“Bakit? Sabi mo baka mangati, ano namang masama kung kamutin ko?” Nakangisi ito kaya nainis ako. 

“Kaya kong kamutin ang sarili ko.” Tapos ay tinulak ko siya tsaka ako tumayo. Medyo masakit pa ang balakang ko pero ayos lang, basta ang mahalaga ay makalayo ako sa kanya at baka kung ano na naman ang mangyari at magpakamot nga ako sa kanya.. Ahhhh ano ba itong naiisip ko?